Muri Kongere y’igihugu yo kuwa 09 Kanama 2026 yabereye mu mujyi wa Kigali, abayoboke b’ishyaka PDC bavuguruye amategeko ngenga. Kongere ya PDC yasubiye ku Mategeko Shingiro yo ku wa 04 Kanama 2013 agenga Ishyaka riharanira Demokarasi ihuza Abanyarwanda (PDC).

Ingingo ya 21 y’aya mategeko shingiro avuguruye igaragaza ko abagize komite Nyobozi ya PDC ari Perezida wa PDC; Visi Perezida wa mbere; Visi Perezida wa kabiri; Umunyamabanga Mukuru; Umubitsi Mukuru; Abaperezida ba za Komisiyo zihoraho zikurikira, Perezida w’Urugaga rw’Abagore rushamikiye kuri PDC na Perezida w’Urugaga rw’Urubyiruko rushamikiye kuri PDC.

Hongerwa umubare wa Komisiyo zihoraho muri PDC ndetse abayobozi b’izi komisiyo zihoraho binjizwa muri komite nyobozi y’ishyaka. Bituma umubare w’abagize Komite nyobozi ya PDC ubu ari 16.

Komisiyo za PDC mu itegeko ngenga rishya ryemejwe n’abanyamuryango zanahawe abayobozi ku buryo bukurikira.

1. Komisiyo y’ Ibyerekeye uburinganire n’umuryango: Ikuriwe na UWAMAHORO Clemence
2. Ubuzima n’imibereho myiza y’abaturage: Ikuriwe na NYIRANEZA Esperance
3. Ibyerekeye ubukungu, ubucuruzi n’ishoramari ikuriwe na Hon. MUKAKARANGWA Clotilde
4. Ibyerekeye uburezi, ubumenyi n’ikoranabuhanga ikuriwe na UWURUKUNGO Grace
5. Ibyerekeye umutekano, ububanyi n’amahanga, imibanire n’imikoranire n’izindi nzego ikuriwe na Hon. SIBOBUGINGO Gloriose
6. Ibyerekeye politiki, imiyoborere n’amategeko ikuriwe na GATERA Emmanuel
7. Ibyerekeye urubyiruko, umuco na siporo ikuriwe na TUYIZERE Theophile
8. Ibyerekeye ubutaka, umutungo kamere n’ibidukikije ikuriwe na SEMIRYANGO Desire
9. Ibyerekeye ubukangurambaga n’itumanaho ikuriwe na NIYODUSHIMA Dieudonne

Komite Nyobozi ni rwo rwego ruyobora PDC rushinzwe Imicungire ya buri munsi ya PDC kandi rushyira mu bikorwa ibyemezo bya Kongere y’Igihugu n’ibya Biro Politiki ya PDC.